На 15.03.2010 (понеделник) со почеток во 11 часот, во Големата сала на Економскиот институт – Скопје ќе се одржи информативна презентација на проектот за примена на Отворен пристап, концепт за споделување на рецензирани научни и академски написи на интернет, без никакви ограничувања.

Проектот го спроведува фондацијата Метаморфозис.

Целта на презентацијата е запознавање со предностите од примената на отворениот пристап во научно-истржувачката дејност, начинот на кој може да се реализира концептот на ниво на Економски институт - Скопје, како и отварање на можност за соработка помеѓу Институтот и проектот на Метаморфозис.

Презентацијата е наменета за вработените во Економскиот институт со наставно-научни и соработнички звања, како и за заинтересирани студенти на постипломски и докторски студии при Институтот.